كارمن سليمان تحتفل بأربع سنوات "محبوبة العرب" باعتراف واعتذار ومفاجأة

 

كارمن المتوجة بلقب الموسم الأول من برنامج "أراب أيدول" منذ أربع سنوات كتبت عبر حسابها الرسمي بموقع الفيسبوك: "تقريباً حوالي ٤ سنين فاتوا من لحظة فوزي بلقب Arab Idol لحد دلوقتي ومن وقتها وإحنا عيلة واحدة وأصحاب حققنا نجاحات كتير مع بعض وعدينا ظروف صعبة برضه مع بعض وربنا يديمها علينا نعمة".

 

أضافت: "ولأني عمري ماكنت ولا هكون من نوع الناس اللي بتتاجر بمشاكلها وتستغل محبة الناس عشان توصل لأهدافها، فكان ولابد إني أصبر وأعدي حاجات كتير وأشيل الحمل لوحدي بكل مرارته وقسوته وأسيبلكم الحلو والمفرح منه لأنكم ماتستاهلوش مني غير كل الحلو والحب والخير ".

 

وتابعت معترفة: "وفي إعتراف لأول مرة هقولكم إن فيه حاجات كتير جداً جداً - خارجة عن إرادتي تماماً - عطلتني عن حلمي ومشروعي الفني وكنت بحاول بكل جهدي مازعلش حد مني وأصبر نفسي وأقول الجاي أحسن ، بس بييجي في حياة كل واحد فينا وقت وبنقول ( كده كفاية ) نقطة ومن أول السطر مش هتنازل عن لحظة واحدة حقي وملكي علي أساس أي حسابات لا داعي لذكرها".

 

وقالت: "واللحظة دي كانت من أواخر سنة ٢٠١٥ وأول السنة الجديدة ٢٠١٦ وقررت إن مفيش حاجة هتعطلني عن حلمي ولا فيه لحظة هتضيع بسبب غلطات ماليش أي ذنب فيها ، بوعدكم من اللحظة دي - بعون الله ومشيئته - بمفاجآت ومشاريع فنية وأغاني وحاجات تليق بيكم وبحلمنا الكبير وأولها في البوست اللي جاي".

 

كارمن احتاجت دقائق اتثبت صحة كلامها فأعلنت عن أول مفاجأة للعام 2016 وهى مشاركتها في مسلسل "ليالي الحلمية" الجزء السادس قائلة: "بسم الله.. أول مفاجأة في 2016 ليالي الحلمية الجزء السادس رائعة الأساتذة أسامة أنور عكاشة وإسماعيل عبد الحافظ الجزء السادس تأليف أيمن بهجت قمر وعمرو محمود ياسين وإخراج مجدي أبو عميرة".

 

بيان كارمن شهد تعاطفا كبيرا من جمهورها ووعد منهم بدعمها حتى تحقق أحلامها وتتخطي كل الصعاب التى عانت منها طوال السنوات الأربع الماضية، والمثير أن جمهور بعض الفنانات المنافسات انضم للحملة ومنم عشاق المصرية رنا سماحة الذين أكدوا أن الساحة الغنائية العربية تحتاج للعشرات من الأصوات المحترمة.