45 ألف صفعة على "وش السعد"

 

هاشتاق "قاطعوا وش السعد"، لم يكن الصفعة الوحيدة على وجه "المعلم بوحة" فقد انطلقت دعوات لمقاطعة "محمد سعد" نفسه، كما حرص كل غاضب من إسفاف البرنامج الجديد، على وضع تعليقه لإدانة أداء سعد واعتباره إهانة لكل مصري، وبالطبع نال نجمة الحلقة الأولى هيفاء وهبي نصيب وافر من الإنتقادات التى تجاوزت فى بعض الحالات حدود النقد ووصلت للسب والقذف!!

 

أغلب المعترضين على عرض البرنامج التزموا بنشر بيان المقاطعة الموحد ونصه: "نطالب من قنوات #mbc وقف برنامج وش السعد لمحمد سعد نهائيا لان به اسفاف وتفاهة واستخفاف بعقول المشاهدين و ليس به اي رسالة هادفة والا سيتم مقاطعه كل المنتجات التى تقدم إعلانات بالقناه، #مقاطعة_mbc".

 

بينما اشتد الغضب ببعض التعليقات فمواطنة تدعى رحاب شاركت تقريبا فى التعليق على كل التدوينات المتعلقة بالبرنامج ببوست موحد قالت فيه "الاهبل دا واخد 16مليون عشان يعمل الهبل دا ويتحرش بالرخيصه اللي جنبه ويقولك البلد مفهاش فلوس !!!!!!، هي فعلا مفيهاش علي الغلابه اللي بيكملوا عشاهم نوم ومش لاقيين تمن الدوا، طب لو المبلغ دا ياخده بس يقدم حاجه هادفه زي المحترم محمد صبحي نقول ماشي، لكن هبل واسفاف ووضاعه للدرجه دي ؟؟؟ #_قاطعوا_محمد_سعد".

 

بينما عقد حساب باسم كفاية فن فاسد مقارنة بين محمد سعد وأحمد حلمي قائلا: "محمد سعد واحمد حلمي بدايتهم مع بعض في فيلم 55 اسعاف، فارق كبير بين اللي اجتهد وقدم فن محترم وبقي في الطالع، وبين اللي بيهين نفسه عشان الفلوس , وبعدين مين هيفاء وهبي دي عشان تقارنها بستات مصر يا فاشل .. لو انت فاكر التريقة علي ستات مصر خفة دم اقوله دي ندالة وقلة اصل. بحد برنامج تافه ولا ليه اى لازمة....وبعدين انا عاوزة اعرف انتو بتعملوا للست  دى قيمة لية..؟

#قاطعوا_برنامج_وش_السعد"

 

وطالب حسين بتوجيه ميزانية البرنامج لدعم المواهب الحقيقية: "برنامج #وش_السعد اللي قناة #MBC_مصر مصدعنا بيه، لما يبان من البرومو ان البرنامج كله قايم ع ان محمد سعد بيهزق نفسه وعمال يتحرش ع الهوا دا يبقي اسمه استخفاف بعقولنا عشان شوية فلوس مرمية في الهوا مش عارفين تعملو بيها حاجة والشباب هيموت علي شبه فرصة بتكلفة اقل من كده بكتير، اي حشو في دماغ الناس وخلاص، مهو للاسف التافهين كتير".