أصالة ترد على انتقاد ابنتها شام لغنائها في الموريكس دور

 

شام قالت لوالدتها عبر موقع إنستغرام فور انتهاء حفل الموريكس دور "لم تكوني في أفضل حالاتك"، فردت أصالة: "شاميتي هي رسالة علنية بدّي عرفك فيها أنه مو لازم دائما نكون متل.. مو لازم لأنه مرات الظروف بتلعب دور لتخرب جزء من هالعمل اللي بدنا ننجزه".

 

وأضافت: "وكوني طلعت وكنت موجودة بمكان فيه ناس غلطانين بمشاعرهم تجاهي وكمان ناس حاولوا بشوية رسايل يخربوا ثقتي بالناس واختياري غني لايف بظروف غير مناسبة كل هاد خلاني ماكون بأفضل حالاتي".

 

وتابعت: "إلا أنه في أشياء صارت رائعة مثلا اكتشاف أخ وإنسان غاية بالروعة والتهذيب (رامي عياش) وسعد المجرد اللي هوه بالنسبة إلي واحد من عيلتي وشذى حسون اللطيفة الأنيقة وكتار عملوا ورح يعملوا بحياتي فرق مجرد قربت منهم فا يامامي، مرات بنكون عّم نستنى شي مابيزبط متل ما بدنا بس بيصير شي تاني ممكن يكون أحلى وماكنا فكرنا فيه أو استنيناه.. فا ماتزعلي لأنه نحنا خلقنا نغلط ونصيب وأنا عملت الاتنين يا يسعد صباحك".