عمرو محمود ياسين يتحدث عن اللحظات الصعبة التي مر بها مع زوجته في فترة مرضها
تحدث السيناريست عمرو محمود ياسين عن بدايته، مشيرًا إلى أن أول محاولة فنية كانت تأليف لكن العمل لم يخرج إلى النور.
وأضاف عمرو محمود ياسين في لقائه مع الإعلامي أحمد سالم في برنامج كلمة أخيرة، على قناة "ON" إن الفكرة قُدمت بالفعل في عمل آخر ولم ينزعج حينها، مضيفًا:"مش هقول اتسرقت، لكن قلت بعد كده مش هكتب، وبعدها ركزت في التمثيل، بس بعد الثورة وجدانك وعقليتك اختلفت، وفي أثناء الثورة عاوزة اكتب حاجات وألف دراما، وابدت فكرة الكتابة تلح عليا، وخدت الخطوة ومكانش نيتي أبطل، لكن الكتابة مسؤولية ضخمة جدًَا أكبر من مسؤلية الممثل".
وعن سيطرته الشديدة على الأعمال التي يقدمها قال:"أنا مش ديكتاتور لكن بحب الانضباط، أنا مؤلف سبني ألف، أنا أسمح أن النجم يناقشني ويقول وجهة نظره ممكن أوافق أو أرفض، لكن محدش يجبرني على شيء، هل يصح أعمل شيء مش مقتنع به هقدمه إزاي؟ المؤلف من وجهة نظري قمة العمل هو الأصل والأساس من بعد منه تتدرج التخصصات، وده غصب عن أي حد، مفيش مسلسل إلا لما يكون ورق، كون أن فيه مؤلفين يسمحوا بده فأنا بشوفه تشويه".
وحول تعاونه مع ياسمين عبد العزيز في الموسم الرمضاني المقبل، قال:"الأمور مش واضحة فيما يخص رمضان القادم".
وأضاف:"عندي أكتر من فكرة وكاتب معالجات عميقة داخل العمل، وشغال على فيلم كل سنة بكون عاوز اكتبه ومش بعرف والسينما عندي فيها سوء حظ".
وبالحديث عن والده، قال إن اسم والده الفنان الكبير راحل حمله مسؤولية كبيرة: “دائمًا اسم والدي مسؤولية ممددة بالنسبة لي وليس في بدايتي فقط، ولما بتتحط في أي ظرف بيذكروا اسم الوالد، وده شيء بيسعدني، ولو مكانش فيه مسؤولية كنت يمكن كنت اتصرف بأريحية وأخطائي تكتر، وفي وجود مسوؤلية خلانص حريص على أني لا أتجاوز”.
وأضاف: “محمود ياسين، كان مميز بصفة الإخلاص الشديد، وطول ما بيعمل شغله مخلص وبالتالي بيتصدق”.
وتابع:"والديً الاثنين محمود ياسين وشهيرة، ليهم كارير مشرف، واسميهما كانت بتمثل ضغط إيجابي علي طول الوقت".
وتحدث عمرو محمود ياسين عن انزعاجه من هجوم تعرض له مؤخرًا، وقال:"أنا مش بزعل أنا بارد جدًا ومش بزعل إطلاقًا بزعل على الدئرة اللي حواليا، أسرتي وزوجتي والناس اللي بتحبني، لكن رديت لأني أنا في حالي أوي وعمري ما كان عندي صدام مع الصحافة، لأني دايمًا حريص أكون ملتزم مع اللي قدامي في التعامل علشان لو غلط فيا هكون واحد تاني، لكن الحروب بتيجي مع النجاح، وأنا اتكلمت عن حروب السوشيال ميديا في مسلسل وننسى اللي كان".
وأضاف:"هناك لجان إلكترونية والحملات المضادة موجودة وبيدفع فيها أرقام كبيرة".
كما تطرق عمرو محمود ياسين للحديث عن مسلسل ليالي الحلمية الجزء السادس؟، وقال: “المسلسل اتعرض لظلم شديد لما كنا بنعمله أنا وأيمن بهجت قمر، كنا بنكتب العمل من من بطولة ممدوح عبد العليم وبعد ما كتبنا نص المسلسل توفاه الله، وافتكرنا الموضوع انتهى، وفوجئنا بجهة الإنتاج قالوا المسلسل اتباع، وفجأة أصبح بطولة إلهام شاهين، واتعرضنا لظرف صعب وظروف كتير في غنى إننا نتكلم عنها، هو على مستوى الكتابة، لما تقرأه جيد جيدً، وقد يكون حصل مشاكل في التنفيذ”.
وأكمل: “لو عارف أن المسلسل ممكن يتظلم مكنتش قدمته، وأجزاء ليالي الحلمية مش كلها نفس المستوى كلها عظيمة وأسامة أنور عكاشة أستاذي ولكن هتلاقي الأجزاء متفواتة في المستوى، الأول والتاني بيتناول فترة الشياكة كلها وفترة الملكية حتى المنطقة الشعبية بشكلها الأكثر جمالًا، وكل ما تنزل هتروح للأزمنة الأكثر قبحًا، وإحنا كنا بنتاول قبل الثورة كانت مرحلة مضطربة، والمشاهد كان في خياله الجزء الاول والثاني، وبشكل عام إحنا اجتهدنا".
تحدث السينارست عمرو محمود ياسين عن مرض زوجته الإعلامية آيات أباظة، مشيرًا إلى أنهما مرا بفترة صعبة للغاية.
وقال عمرو محمود ياسين في لقائه مع الإعلامي أحمد سالم ببرنامج كلمة أخيرة عبر قناة ON: “خضنا تجربة علاج السنة اللي فاتت بأدوية وجراحة وخلصنا واحتفلنا ببشائر الشفاء ودخلت اشتغل وننسى اللي كان، وبعد ما المسلسل خلص، بنعمل فحص اتضح فيه مشاكل وبدأنا رحلة علاج جديدة، يمكن الكلام ده سهل، لكن التفاصيل صعبة جدًا”.
وأضاف عمرو محمود ياسين متأثرًا: “وأنت رايح تعمل الفحص مش عاوزين نسمع إلا كلمة واحد كله تمام، لكن الدكتور بيقولك لسه النتيجة، وبفضل قاعد كل الوقت ده في حالة رعب حقيقي، اللحظة اللي بيجي فيها نيتجة الفحص بشوفه ولاقي فيه مشكلة وهي تسألني إيه الأخبار بعيش تفاصيل صعبة، هي مش متخيلة أن فيه حاجة، وعلشان اقول واشرح صعبة جدًا، التفاصيل مرهقة.. الناس بتسأل إيه الأخبار وإحنا بنعرفهم، لكن الليالي دي بتعدي ازاي من ألم وتعب وإرهاق”.
وأكمل:"عرفت آيات من أولى ثانوي وقرأنا فاتحة بعد ثانوية عامة وتالتة جامعة اتخطبنا ورابعة اتجوزنا، من هنا تيجي صعوبة التجربة، لأنها عاشت معايا أكتر ما عاشت مع أهلها".
