كيف كشفت قصة طلاق لميس الحديدي من عمرو أديب جانب لا يعرفه الجمهور عن حياتها؟

الإعلامية لميس الحديدي تصدرت الواجهة في الفترة الأخيرة بعد تداول أنباء طلاقها من زوجها الإعلامي عمرو أديب، وأكدت إحدى صديقاتها الخبر للجمهور، وكشفت عن شهادتها المؤثرة عن كواليس اللحظات الأخيرة في علاقة لميس الحديدي بزوجها قبل الطلاق، وكشفت عن وجه آخر للميس الحديدي.

شهادة مؤثرة من صديقة لميس الحديدي عن كواليس قصة طلاقها

ونشرت الإعلامية ديانا الضبع، رسالة مؤثرة تحدثت من خلالها عن قصة طلاق لميس الحديدي عن الإعلامي عمرو أديب، وكشفت عن شهادتها عن ما حدث في حياة لميس الحديدي في السنوات الأخيرة، بالإضافة إلى كشفها عن الجانب الآخر في حياة وشخصية لميس الحديدي، وأكدت خبر طلاقها، وقالت في رسالتها: "كنت عارفة إن لو الحدث نفسه مؤلم جدا بالنسبالها، فتداوله ممكن يضاعف الألم ده لأن الناس مش دايما بيكون عندهم قراءة صحيحة للحدث، كنت خايفة إنها تتظلم مرتين".

وأضافت: "الإشاعات فضلت تتزق على صفحات مجهولة لغاية ماحصل الطلاق بالفعل وتفجرت الأخبار في كل حتة، لكن الحمد لله الناس فهمت واستشعرت الحقيقة، يمكن بدون مايكون عندهم تفاصيلها، حدسهم كان صحيح بشكل مبهر، أنا بجد نفسي أشكر كل حد طبطب عليها بكلمة حلوة وبجملة مشجعة من قلبه، انتم ماتعرفوش ده بيعمل فرق في وقت صعب شكله ايه، من أول ما الخبر اتعرف ولميس بترجوني ما كتبش أي شيء، ونفس الطلب طلبته من أقرب الناس اليها "أرجوكم ماتكتبوش شيء".

قصة طلاق لميس الحديدي تكشف وجهها الآخر

وقالت صديقة لميس الحديدي المقربة عن قصة طلاق الأخيرة: "معلش سامحيني يا لميس أنا مش قادرة الصراحة ماتكلمش، عارفة انك مش عايزاني أجرح في حد وأنا مش هاتكلم عن أي أطراف أخرى، أنا بس هاتكلم عن صاحبتي عن واحدة من المعدودات اللي باقول عليهم صاحبة عمري.. حبي للست دي أعمق من كل ده بكتير جدا لأني شفت جانب من شخصيتها وحياتها، قليلين قوي يعرفوا عنه أي حاجة.. شفت قد ايه هي ست أصيلة بتبدي استقرار بيتها وأسرتها فوق اعتبارات تانية كتيرة جداُ، شفت كمية وجع استحملته في مختلف سنين حياتها اللي عرفتها فيها، وازاي كانت بتعرف تصمد وتعدي والغريب انها كانت بتعرف تغفر وتفضل تحب".

وأضافت: "كانت دايما بتقول انها بتنسى لكن لما مرضت عرفنا اننا لما بنكبت الزعل ونتناساه جسمنا بيعبر عنه بطريقته.. شفت ازاي تجاوزت المرض بقوة وثبات وأخفت الخبر بعد كده لمدة عشر سنين، محدش عرف شيء عنه زي ما ماحدش عرف شيء عن حياتها الشخصية، لما بتعيش مع حد أوقاته الصعبة بتشوف معدنه وهي معدن أصيل ونادر وقوي، لميس فضلت محافظة على بيتها 31 سنة، مش 25 زي ما الصحف بتقول، رغم تحديات كتيرة جدا،  لميس فضلت محافظة على أسرة، مش زي ما البعض قال انها كانت أسرة شكلية كده، مش حقيقي أبدا، دي أسرة كانت بتجتمع كل يوم على السفرة".

وكشفت عن الجانب العائلي في حياة لميس الحديدي وقالت: "كلنا عارفين ان اللي عايز يعزم لميس في رمضان يعزمها على سحور لأنها بترفض كل دعاوى إفطارات رمضان علشان بتفطر مع جوزها في البيت طول الشهر وهم متفقين على كده، بترتب أجازة الصيف معاه في نفس الوقت علشان يسافروا سفرية حلوة تعوض تعب السنة مع ابنهم، اللي بالمناسبة مربياه أحسن تربية، بتتكلم مع جوزها تقريبا طول اليوم لدرجة اني ساعات كنت اقولها حاجة وعقبال ماقولها بس ماتقوليش لحد دلوقتي الاقيها قالتله.. أول حد كانت بتفكر تشاركه أي شيء، كانت بتقول عليه صديقها المقرب".

لميس الحديدي تلقى تعاطف الجمهور بعد قصة طلاقها

وقالت صديقة لميس الحديدي في شهادتها عن قصة طلاق الأخيرة: "المؤلم جدا بالنسبالي واللي تقريبا تسبب لي في تروما، وشال النوم من عيني، انها فضلت ولآخر دقيقة بتقول عليه كده وفضلت لآخر دقيقة بتحاول تنقذ بيتها، وفضلت رافضة إن 31 سنة يتهدوا في شهرين.. علت صوت العقل عن اي صوت تاني، وخلال الوقت الصعب ده ماشفتهاش مرة غلطت، ماسمعتهاش بتقول كلمة فيها تجاوز.. فضلت محترمة لآخر نفس، بالرغم من الوجع الشديد أجلت غضبها، والمبهر بالنسبالي إنها عملت أحلى حلقاتها في الوقت ده..كانت كل يوم بتعمل حلقة أحلى من اللي قبلها..".

وبالرغم من انتشار أنباء انفصال عمرو أديب ولميس الحديدي رسميًا إلا أن كل منهما لم يعلقان على الأمر حتى الآن، لكن كان هذا الخبر صادما بالنسبة للجمهور الذي كان يعتبر أن علاقة الثنائي من أقوى العلاقات بالوسط الفني، وكان أحدث ظهور للثنائي الإعلامي الشهير رسميًا في حفل خطوبة ابنهما نور، وحرصت لميس وقتها على مشاركة الجمهور على انستجرام بصور ولقطات من الحفل العائلي الذي جمع أسرة العروسين فقط، وبالرغم من ظهور لميس وعمرو في العديد من الصور التذكارية، لكن لم تجمعهما صورة بمفردهما معًا، وهو ما اعتبره الجمهور بمثابة دليل على اتفاقهما على الانفصال منذ تلك الفترة.

الصور من حساب لميس الحديدي على انستقرام.