تقاوم البكاء طوال اللقاء.. حديث مؤثر من دنيا سمير غانم عن فقدان والديها وخوفها من الظهور والانتقادات

النجمة المصرية دنيا سمير غانم فتحت قلبها للجمهور وكشفت خزائن أسرارها في مرة نادرة، وعادت للظهور الإعلامي بعد غياب طويل، واسترجعت ذكرياتها مع والديها الراحلين وعن حياتها العائلية وعلاقتها مع ابنتها وغيرها من الأمور والذكريات المؤثرة والتي جعلتها تقاوم دموعها طوال حديثها.

دنيا سمير غانم تخرج من عزلتها بحديث مؤثر عن حياتها مؤخراً

وحلت النجمة المصرية دنيا سمير غانم ضيفة على برنامج "ABtalks" مع الإعلامي أنس بوخش على يوتيوب، وكشفت العديد من الذكريات المؤثرة والأسرار حول حياتها، خاصة في الفترة الأخيرة، وقالت في بداية حديثها إنها أصبحت سريعة التأثر والبكاء في الفترة الأخيرة، ولا تتمالك دموعها في العديد من المواقف، لذلك كانت متخوفة من الظهور معه في البرنامج حتى لا يراها الجمهور في هذه الصورة.

وقالت دنيا سمير غانم إن عدد من المحيطين بها حذروها من الظهور مع أنس بوخش حتى لا تبكي، وهذا هو السبب الحقيقي وراء قلة ظهورها في الفترة الأخيرة، وكشفت عن خوفها من الانتقادات أو من مشاركة الجمهور حزنها أكثر من اللازم، خاصة أن الجمهور عاش معها سنوات صعبة من حياتها ويعرف كل شيء مرت به، وقالت: "يمكن عشان مثلاً أنا عن نفسي بخاف أوي من النقد، أو بخاف أوي إن الناس تحكم عليا، خاصة في الزمن اللي إحنا عايشين فيه ده وفي السوشيال ميديا وناس كثيرة مش حقيقية.. فبخاف مثلاً إن حد يفهم إن أنا قصدي كذا أو أصل هي بتعمل كذا.. فبحب أكون في الأمان".

دنيا سمير غانم تسترجع ذكرياتها مع والديها الراحلين

ولم تتمالك دنيا سمير غانم دموعها خلال حديثها في البداية عن تأثرها السريع، وبكت أيضاً في العديد من اللحظات خلال الحلقة، وقالت إنها تحاول مقاومة البكاء لأنها لا تريد ذلك، ومنها خلال حديثها عن جدتها الراحلة، وقالت إن جدتها كان لها تأثير كبير على حياتها وكانت تعيش معها في طفولتها، ولم تتحدث كثيراً عنها، وانتقلت بعد ذلك إلى الحديث عن طفولتها، وقالت إنها عاشت طفولة غير عادية لكونها من أسرة فنية، وكان الفن هو الشيء الأساسي في المنزل بالنسبة لجميع أفراد الأسرة، لذلك هي تحب الفن كثيرا.

وقالت دنيا سمير غانم عن الفترة الأصعب في حياتها، بخسارة والديها في 3 أشهر، في وقت جائحة كورونا: "للأسف الشديد ما بتقدرش تمسحها، الفترة دي ما بتقدرش تتنسي.. بحاول على قد ما أقدر إني أتجاوز أو ما أفكرش في الحاجات اللي حصلت، بس طبعاً مش بتمسح، لسة موجودة، وللأسف الذكريات دي لسة شايلاها معايا"، وقالت إنها لا تعرف حتى الآن إجابة السؤال حول طريقتها في التعامل مع ألم الفقدان، ولكنها لجأت إلى عدة حلول وقتها مثل عدم بقائها بمفردها، وشغل نفسها بأي شيء وبعملها، بالإضافة إلى القرب من الله.

وقالت دنيا سمير غانم في حديثها المؤثر: "الحزن بيفضل، لما أي حد بيفقد حد عزيز عليه الحزن بيضل جواه، مش الوقت بيمر ويروح، بالعكس الوقت لما بيمر بتحتاج الشخص ده أكثر، خاصة لو كان حد مهم أوي زي الأب أو الأم. ربنا طبعاً هو اللي بيمشيك، هو اللي بيديك القوة.. علاقتك بربنا هي اللي بتديك القوة، دي أهم حاجة، وغير كده في حاجات ثانية زي إنك تشغل نفسك طول الوقت.. لازم تشغل نفسك، في الأول خالص ما كنتش بقعد لوحدي ولا ثانية، ولا ثانية، ما كنتش أقدر.. ولغاية دلوقتي لما أكون لوحدي مستحيل أقعد فاضية، دايماً بشتغل أو بوضب حاجات لبيتي، لبنتي، لجوزي، لأختي، لشغلي.. بس لازم تشغل نفسك طول الوقت وما تسيبش نفسك تغرق في الحزن.. خلاص ما فيش حاجة بتقدر تعوضهم أبداً، بالذات لما يكونوا كانوا كويسين معاك وعندك ذكريات جميلة معاهم، ما بيتعوضوش خالص".

حديث نادر من دنيا سمير غانم عن تجربة الأمومة

وتحدثت أيضاً دنيا سمير غانم في اللقاء عن تجربة الأمومة وعلاقتها بابنتها "كايلا"، وقالت عن التغييرات التي طرأت عليها بسببها: "لما الواحدة بتبقى أم بتحس بمسؤولية أكثر وبتبقى حاسة بالأطفال أكثر.. دي أكثر حاجة اتغيرت فيا، مسؤولية إن أنا مش بصحى أعمل شغلي وخلاص، أنا بصحى أعمل حاجات ليها ولبيتي ولحياتي، وكل حاجة بتدور حوليها.. حتى شغلي بقيت بنظمه حوليها هي، فالأمومة طبعاً بتغير، وبقيت حساسة أوي ناحية الأطفال.. وكايلا بنوتة جميلة ما شاء الله، بتحب أصحابها أوي، بتحب الفن برضو زينا شوية.. فيها جينات فنية جواه لسة هي مش عارفاها، الحتة دي بتفكرني بنفسي وأنا صغيرة.. والحاجة اللي بحبها فيها أوي إنها بتحب تساعد الناس جداً".

وتحدثت أيضاً في اللقاء عن علاقتها بزوجها رامي رضوان، وأسباب اختيارها له وقالت: "رامي فيه صفات كثيرة جداً جذبتني ليه.. راجل مسؤول جداً، عاقل، وفي نفس الوقت بيهزر وكده ومش جاد طول الوقت.. واللي بحبه فيه إنه بيتأقلم مع الناس أو مع الموقف على حسب ما هو مع ناس بسيطة هتلاقيه بيتكلم ببساطة، مع ناس مقامات وبيتكلموا عربي فصحى هتلاقيه بيتكلم معاهم كذا.. وطريقته مع الناس بحبها أوي، وتهمني جداً لأن أنا كنت بشوف ده في أهلي الله يرحمهم، كان إقبالهم على الناس جميل وبيضحكوا وما يحرجوش حد.. هو وحسن الرداد كده بصراحة، هما الاثنين، وكمان أب هايل، ما شاء الله عليه أب جميل جداً، وإحنا الاثنين في توازن بينا وبين كايلا، وبنحاول نكون إحنا الاثنين على نفس الخط في اللي هنعمله".

الصور من حساب دنيا سمير غانم على انستقرام.