درة تتعرض لموقف محرج .. وترد على منتقديها بطريقة استفزازية

تعرضت الفنانة درة إلى موقف محرج ، عندما قامت إحدى معجابتها بإنتقادها على صفحتها الرسمية بموقع التواصل الإجتماعى"فيس بوك"، بسبب مشهد لها فى فيلم تونسى قدمته فى بداية مشوارها الفنى بحمل أسم"دار الناس"، وهو ما يتنافى مع كلامها فى برنامج"الحريم أسرار" والتى كانت تنتقد فيه المشاهد الجرئية فى الافلام.

هجوم احدى معجباتها

وكتبت المعجبة قائلة: عايزة اقولك يا استاذة إنى شوفت ليكى مشهد على اليوتيوب فى فيلم تونسى كنتى جرئيه فيه وانا اللى مفكراكى محترمة ده انتى قولتى فى برنامج الحريم اسرار عن الإحترام وان البنات مينفعش تلبس مايوة لكن انتى كدابة ومش محترمة مع الأسف كل الفنانين مش محترمين اكيد خارج الشاشة فى بلاوى.

رد درة عليها

وهو الأمر الذى جعل درة تقوم بالرد عليها قائلة : "عيب الكلام ده انا محترمة والإحترام مش باللبس بس وانا مش كدابة ومقلتش البنات مينفعش تلبس مايوة لان دى حرية شخصية وفيلم "دار الناس" فيلم عادى اتعرض على الشاشات وكان فى بدايتى من أكتر من 10 سنين يعنى من زمان وكانت طبيعة الدور كدة وممثلات كتير من كل الأجيال قدموا مثلة وأجرأ بكتير كمان، ولكن انا كل الكلام اللى بقولو دلوقتى حقيقى وبختار أدوارى كويس ومسمحش لحد يقول مش محترمة على صفحتى".

درة تحذف التعليق

درة لم تكتفى بالرد على الفتاة فقط بل قامت بحذف تعليقها من على الصفحة بشكل نهائى بحيث لا يراها أحد ولا يرى إنتقادها لها.

الباب يفوت أمل

ومن المعروف أن درة  تحتفل اليوم بالعرض الخاص لفيلم""الباب يفوت أمل"،حيث أنه يطرح فى السينمات مساء اليوم بعد سلسلة من التأجيلات، وهو فيلم إجتماعى كوميدى تشارك فيه بجانب شريف سلامة وخالد عليش وعبدالله مشرف وشيماء سيف.