أحمد السعدني رداً على الشامتين بعد وفاة زوجته السابقة:" وجع قلب وروح"!
احمد السعدني وطليقته الراحلة
احمد السعدني وطليقته الراحلة
احمد السعدني وزوجته السباقة وابنائهما
احمد السعدني وزوجته السابقة الراحلة
احمد السعدني
خرج الفنان أحمد السعدني عن صمته بعد فترة حداده على زوجته السابقة التي توفيت الشهر الماضي، ووجه رسالة مؤثرة أخرى إلى جمهوره رداً على الجدل الذي أثير حول رسالته التي نشرها في وداع طليقته وقت وفاتها.
رسالة مؤثرة جديدة من أحمد السعدني بعد وفاة والدة أولاده
وكشف أحمد السعدني عن معاناته في الفترة الأخيرة بسبب عدم قدرته على التفاعل مع الجمهور على صفحته بفيسبوك كما كان يفعل في السابق، وذلك بعد وفاة زوجته السابقة وتعامل البعض بقسوة مع أحزانه عليها، وقال في رسالة جديدة:" طول عمري مبيفرقش معايا كلام الناس و كنت بلوم صحابي زي احمد فهمي مثلاً انه بيقعد يشتم الناس اللي بتشتمه و اقوله انت بتقرا ليه اصلاً كبر دماغك !!
وتابع:" عمري ما اهتميت اقرأ التعليقات السلبية او يمكن كنت محظوظ اني مكنتش بشوفها او يمكن مكنش حد بيغلط فيا !! الحقيقه معرفش الوضع كان ايه لكن بعد البوست الطويل اللي انا كتبته لصاحبة البوست حبيبتي و ام ولادي رحمة الله عليها و مكنتش مهتم ان حد يقراه و لا كنت عايز اعرف رأي حضراتكم فيه !! لقيت صحابي قالولي ان في ناس شتمتني استغربت لإن اللي اتربينا عليه انه لا شماته في مواقف معينه.. بس مهتمتش برضه لإن اللي فيا مكفيني اساساً".
واختتم أحمد السعدني رسالته قائلاً:"كلام البعض و اللي اعتقد مخدش منهم ٥ ثواني كتابه، لكن الاكيد انه خد وجع قلب و روح و خد من دمي و اعصابي اللي اتحرقوا كتير، انا لا حشتم و لا حعمل بلوك لحد و لا حقفل التعليقات انا حرجع زي ما كنت اكتب و انزل صور لنفسي و لاي حد بيحبني و شخص محترم حتي لو اختلف معايا، و مش عايز الهري ده ينسيني اشكر كل حد قريب مني وقف جنبي في شدتي و كل بعيد كان بيدعي للغالية بالرحمة و لينا بالصبر".
