سالي عبد السلام تبدأ رحلة علاجها : 70 حقنة في الرأس

بعد تأكيد الإعلامية سالي عبد السلام على معاودة احد الأمراض المناعية لها والذي يؤدي الى تساقط الشعر، أعلنت اليوم عن بدء رحلة علاجها الصعبة كما وصفتهاـ مناشدة كل جمهورها الدعاء لها.

سالي عبد السلام تبدأ بالعلاج

ونشرت سالي عبد السلام صورة جديدة لها عبر حسابها على انستغرام أرفقتها بتدوينة طويلة شرحت فيها بعضا من ملابسات مرضها المناعي مشيرة الى ان من أسبابه الحزن، كاشفة بأنها ستتلقى أسبوعيا نحو 70 حقنة في الرأس.

 

 

 

 

View this post on Instagram

 

 

 

 

 

 

 

 

 

#الحمد_لله اتأكدنا والتحاليل كمان وتانى مالهاش سبب..كلها بسبب الضغط النفسى والزعل جسمك ومناعتك تهاجم الشعر وبدأت تكتر لأنها نشطة الحمدلله..سبحانك! محدش مبسوط ١٠٠٪؜ الحمدلله وراضيين وبتيجى حاجات تحزن اقرب ناس ليا تتفاجئ انك شوفتها لما تعرفها منك وعمره ما بان عليا والناس تقولك وتزعل ليه ميعرفوش شايفيناك من برا بس جسمك بيبقى اذكى منك! والله حاولت والله ..مش زعلانة  هنبدأ تالت وجرعات تالت وكورتيزون اقراص و حقن وحقن فى الراس تانى ال٧٠ شكة كل اسبوع عداهم فى عضم راسى ..عداهم ربى يعلم بوجع والم الكورتيزون فى الراس بالذات،بيحرق و تقيل زى الزيت عشان يدخل الراس وصداعه ربنا يعفو عنا منه ،امى يا حبيبتى راحت معايا مرة من منظرى مستحملتش تيجى تانى،بقيت اروح لوحدى سبحانك والله...غير اضراره الجانبية اللى كنت لسه مخفيتش منها من كام شهر وقفنا بنتعالج من اضراره الجانبية وقلنا الحمدلله خلاص خلصنا ...بس ابتلاء حب بيختبرك ...والله رضا يا الله دعواتكم هونت كتيير نزلت سكينة ورضا وصبر ومعيطش المرة دى عشان دعيتولى والله ..هو ايه الحب الحلو ده! ويهزروا ويقولولى عملتى العمل فين عشان الناس تحبك كدة  مغرورة بحبكم!! والله الحاجة الوحيدة اللى بتباهى بيها واتغر واتبسط واقف اشكر ربى واقول اللهم ديمها نعمة من قلبى #اللهم_حبب_فينا_خلقك #اللهم_قوة #اللهم_بارك يا رب هون..يا رب سلم اللهم اشفى مرضانا يا رب لا تبتلينى فى صبرى ..اللهم اعفو عنا يا رب يا رب يروح ما يجى تانى يا رب نبطل نفكر ونزعل و نتوتر ونفصل و نروق ونمشى بعيد :) يا رب

A post shared by Sally Abdalsalam (@sallyabdalsalam) on Jun 12, 2019 at 1:08pm PDT

وكتبت في تدوينتها :"الحمدالله، تأكدنا والتحاليل كمان وتاني مالهاش سبب..كلها بسبب الضغط النفسي والزعل جسمك ومناعتك تهاجم الشعر وبدأت تكتر لأنها نشطة الحمدلله..سبحانك".

معاناتها مع العلاج

وأشارت الى بدء معاناتها مع العلاج الصعب حيث ستخضع للعلاج بالكورتيزون وحقن الرأس قائلة :" مش زعلانة ، هنبدأ تالت وجرعات تالت وكورتيزون اقراص و حقن وحقن فى الراس تاني ال٧٠ شكة كل اسبوع عداهم فى عضم راسى ..ربى يعلم بوجع والم الكورتيزون فى الراس بالذات،بيحرق و تقيل زى الزيت عشان يدخل الراس وصداعه ربنا يعفو عنا منه".

سالي أكدت بأن والدتها لم تتحمل رؤيتها خلال تلقيها العلاج قائلة:" امي يا حبيبتى راحت معايا مرة من منظرى مستحملتش تيجى تانى، بقيت اروح لوحدى سبحانك والله..."، وألمحت الى أضرار العلاج الجانبية ، مضيفة :"غير اضراره الجانبية اللى كنت لسه مخفيتش منها من كام شهر وقفنا بنتعالج من اضراره الجانبية وقلنا الحمدلله خلاص خلصنا ...بس ابتلاء حب بيختبرك ...والله رضا يا الله دعواتكم هونت كتيير نزلت سكينة ورضا وصبر".

وكانت الاعلامية سالي عبد السلام كشفت قبل نحو اسبوع عن معاودة المرض لها، وهو من احد امراض المناعة الذي يسبب تساقط بالشعر وخضعت للعلاج بالكورتيزون طوال العامين الماضيين.