عمرو مصطفى يحذف إهانته لشيرين عبدالوهاب

 

وكانت شيرين هاجمت الملحن عمرو مصطفى خلال استضافتها ببرنامج "المتاهة" الذي تقدمه وفاء الكيلاني، ويعرض عبر شاشتي "MBC1" و "MBC مصر"، وقالت له "روح يا حبيبي اتعلم مزيكا وتعالى كلمني".

 

وكتب الملحن عمرو في البوستات التي حذفها لاحقا: "فعلا الإنسان لما بيكون طيب مع الأصوات الجديدة، لما بتكبر بتفتكر إنها وصلت وبتتجاوز حدودها، بس أنا مش هرد، أنا بس هقولك افتكري ريحة رجلك لما كنت عند الشاعر بهاء الدين محمد ونصر محروس، واتحايلوا عليا علشان أسمع صوتك".

 

على الضفة الأخرى، أعرب الشاعر الكبير بهاء الدين محمد عن استيائه من هجوم الملحن عمرو على شيرين  وقال له عبر صفحته الرسمية على "فيسبوك":" أولا: فوجئت على أكثر من موقع إعلامي وصحفي إنك ذكرت أسمى وأسم الأستاذ المنتج نصر محروس كشهود على وقائع لم تحدث وإدعاءات غير صادقة تمس شخص الفنانة المطربة شيرين عبد الوهاب بصورة غير حضارية ولا فنية.

 

وتابع: "على ما أتذكر انك ماكنتش لسه موجود كملحن في الفترة اللي بدأت شيرين فيها وجودها الفني، ولو كنت موجود كملحن فبدايتك أظن من الصعب على شخصي وشخص نصر محروس إننا نتحايل عليك تسمع صوتها وهذا كلام غير صحيح، ومش ح اتكلم عن الكلام التاني اللى انت كتبته عن شيرين، وتناولته المواقع و الصحف، اللي مايصحش أكتبه تاني لعدم صحته و لبواخته وتهوره".