نادين لبكي ترد على "ابو العبد" بـ "حرقة قلب"
نادين لبكي تترشح للانتخابات البلدية في بيروت
نادين لبكي تطمح ان تحول بيروت الى مدينة خالية من التلوث
نادين لبكي تحمل هموم المواطن اللبناني
شخصية ابو العبد في الكاريكتور الذي دعاها الى عدم الترشح
يبدو ان المخرجة اللبنانية نادين لبكي بعدما حملت لواء الدفاع عن المراة وهموم المواطن اللبناني في معظم الاعمال الفنية التي تخرجها، اختارت مواصلة مشوارها هذه المرة عبر الترشح الى الانتخابات البلدية المرتقبة في بيروت، الا ان خطوتها هذه لم ترق للشخصية البيروتية الساخرة ابو العبد البيروتي (شخصية وهمية تعبر عن صوت المواطن اللبناني) الذي طالبها بالعدول عن ترشحها عبر كاريكتور نشر اليوم عبر احدى الصحف، وقال لها "خليكي بفنك يا نادين شو بدك بهل لبكي"!.
نادين تلامس وجع اللبنانيين
نادين لبكي ردت على "ابو العبد" عبر حسابها الخاص على احد مواقع التواصل الاجتماعي وشرحت اسباب ترشحها الى الانتخابات البلدية في رسالة مطولة لامست وجع المواطن اللبناني وهمومه المعيشية، وقالت فيها : "صديقي ابو العبد ،عم تسألني '' شو بدي بهل لبكي؟ '' انا اكيدي البعض متلك عم يسال حالو نفس السؤال: "مرشحة على انتخبات البلدية ببيروت؟!!! ولك شو بدا بهل شغله! هيدا مش محلها !"خليني قلك شو بدي بهل لبكي :
"انا هون من حرقة قلب. انا هون مواطنة لبنانية عايشة ببيروت محبطة، حزينة، غضبانة، خايفة. خايفة افتح شباك بيتي لاني خايفة على ولادي من نسمة الهواء. خايفة اتمشى بالشارع بعد غياب الشمس لانو ضو البلديه محروق .
خايفة على ابن الجيران يلي عم يلعب بالطابة بين السيارات لانو ما في جنينة تستقبلو. خايفة على الصبي الحفيان يلي واقف على الاشارة ما تئشّو شي سيارة. ولك حتى صرت خايفة من عقصة البرغشة".
انا انسانة ميسورة..ولكن!
اضافت نادين في رسالتها :"انا يمكن ميسورة قادرة ركب فلتر للمي او حط مكنة تنضف الجو ، بس الانسان الفقير يلي مارق المجرور بنص بيتو شو بيعمل؟. اول مبارح 22 نيسان كان يوم عيد الارض. ايّ ارض والفرد ببيروت عايش باقل من متر مربع مساحة خضرا؟ ايّ ارض ونسبة التلوث فيها مرتين اكتر من ما بتسمح منظمة الصحة العالمية؟
كيف بلدية بيروت عندها فائض مليار دولار، وما زرعت شجرة تحت بيتي من ٦ سنين؟ كيف عندها فائض مليار دولار وبعد في ولاد عم تلعب football بين السيارات؟ كيف عندها فائض مليار دولار والزبالة صارت جبال على طرقاتنا؟ ليش كل ما بتشتّي الدني ما حدا في يوصل عشغلو من عجقة السير؟".
نادين لبكي تكشف عن مفاجأة تجمعها بسلمى حايك
8 تحديات و 8 احتياجات لمستقبل المرأة السعودية.. ما هي؟
نادين لبكي..طفح الكيل في بيروت
وتابعت نادين في رسالتها المؤثرة :"بيروت مدينتي" خلقت بقهوة بين شباب وصبايا خايفين متلي، وطافح كيلون متلي، قرروا ياخدوا بزمام الامور ويطبقوا مقولة "ما بحك جلدك الا ضفرك".."بيروت مدينتي" هي مجموعة خبراء بمجال التنظيم المدني والبيئة والنقل والهندسة والاقتصاد والحفاظ على التراث. مجموعة شباب وشابات، شمرت على زنودها، ونزلت على الشارع تسأل الناس شو همومها ، وتعيش معها اوجاعها ...كل هالطاقات اجتمعت اليوم بمركز زغير ببدارو لتغير واقعها.
بيروت..مشوهة وحزينة
المخرجة اللبنانية بررت ايضا سبب ترشحها للانتخابات البلدية في بيروت، قائلة : "من هيك انا هون اليوم..لصير وحدة منن. لقدم اد ما بعرف من خبرتي ونجرب سوا نرجع بيروت يلي منحلم فيا! لانو بيروت "ست الدنيا" صارت هلق ست مشوّهة، حزينة، تعبانة، انجا قادرة تمشي.. صدقني يا صديقي بيروتي وبيروتك بتستاهل كل هل لبكي واكتر. مع محبتي. نادين".
