هند سعيد صالح ترفض إهانة عادل إمام

هند مع والدها سعيد صالح

هند مع والدها سعيد صالح

سعيد صالح

سعيد صالح

سعيد صالح و عادل امام

سعيد صالح و عادل امام

سعيد صالح و عادل امام

سعيد صالح و عادل امام

هي: عمرو رضا
 
رغم حزنها الشديد على وفاة والدها الفنان الراحل سعيد صالح، اضطررت ابنته الوحيدة هند للتصدي للحملات الضارية التي وجهت لرفيق عمره الزعيم عادل إمام واتهمته بالجحود لغيابه عن مراسم الجنازة. وأكدت في بيان رسمي صادر عن حسابها بموقع "فيسبوك" أنها السبب في غياب كل النجوم عن المشاركة فى الجنازة، وترفض اتهام "أسرتها الثانية" بالجحود.
 
وقالت: "بعد إذنكم أنا بطلب من كل اللي فكر و قرر إن الفنانين ماعندهومش اصل و عندهم جحود عشان محدش جه جنازة بابا بدل ما يشغل نفسه بده يشغل نفسه بالدعاء ليه .. أفيد له لأنه محتاج ده .. لحظة ما توفى أنا اللى قررت سرعة الدفن .. لان إكرام الميت دفنه". 
 
وتابعت بقولها: "بابا كان موصى يدفن فى مسقط رأسه فى المنوفية .. و لأن كان عندى سفر ساعتين عشان أوصل للمقابر .. و لأني كنت عايزة الحق نور ربنا .. و لأن حاجات كثير مش مضطرة اشرحها.. باختصار اولوياتى ادفن أب توفى .. مش فنان توفى.. طبعا أنا عارفة إن مصر كلها حزينة عليه و ده على راسى .. بس ده مش سبب لاتهام حد بالجحود .."
 
وأضافت: "والدى ظل طوال العمر يرفض أى إساءة لرفيق عمره عادل إمام، وأوصانى دوما بمحبة أسرته الكبيرة "الوسط الفنى" ومن يحب سعيد صالح عليه أن يلتزم بالوصية".
 
وأشارت إلى أن عزاء النجم الراحل سيتم يوم الثلثاء المقبل بمسجد عمر مكرم بالقاهرة، وسيشارك فيه كل رفاق والدها وفي المقدمة النجم عادل إمام الذي يعد الآن بمثابة والدها.